ఆశ
నిశీధి బ్రతుకులనుండి గగనతీరాలదాక
కలల అలలపై స్వైరవిహారం చేస్తూ
నిను పెంచుతూ నలుగురికి పంచుతూ
ఉత్తుంగతరంగమై అణువణువునా నీలో నిండి
జీవితసమరాన వెరవని సంకల్పమనే
కత్తిని దూస్తూ నిను నడిపించేది
గమ్యం చేరాలని చేరితీరలనే ఆశ
అదే అవుతుంది నీ శ్వాస.
ప్రకృతి విలాపం
వెర్రికలలు కనే ఓ పిచ్చి మానవుడ ప్రశ్నార్ధకమౌతోంది ఇలపై నీ మనుగడ
సుఖంగానే వున్నావు ఇంతకంతే లోగడ యేల ఇపుడు చేసేవు ప్రకృతిని గడబిడ
తలచినావు విశ్వమంత అరచేతిలో ఇమడ్చగ ఆడినావు సాటి జీవ ప్రాణులతో విషక్రీడ
తెలిసి తెలిసీ మరిచి కొనసాగితె మిగిలేవు ఒరిగేవు మృత్యునీడ
